Жамбыл ауданы Қызылдихан ауылы «Махат ата» мешітінің имамы Ескендір Чалиев  бесін намазына келген жамағатқа «жақсы жолдас болу» турасында кеңінен уағыз айтты.

Жеке тұлғаның мінез-құлқының қалыптасуында достықтың әсері өте үлкен. Адам баласы досының бойындағы қасиеттерді өз бойына да сіңіреді. Кез-келген адам қоғамда өмір сүретіндіктен, айналасында достары мен қимас жандары болатыны – табиғи жағдай.

Досы жаман адамның мінезі де, өзі де бұзыла бастайды. Уақыт өте келе өзі сезбеген күйде досының мінез-құлқын бойына сіңіріп отырады. Нәтижесінде қимас досымен бірге құрдымға кеткенін байқамай да қалады. Сондықтан, жақсы жолдас болудың маңыздылығы өте жоғары.

Жамбыл аудандық мешітінің баспасөз қызметі