Меркі ауданын, Аспара ауылы «Ыбырайым ата» мешітінің жамағаты мен ауыл тұрғындары ұйымдасып аудандық «Меркі ата» мешітінде Ақшам намазынан кейін айлық дастархан жайып, аудан имамдары мен жамағат бас қосты.

Меркі ауданына арнайы шақыртумен келген Жамбыл облыстық «Һибатулла Тарази» мешітінің наиб имамы Нұралы Бақытұлы сөз сөйлеп, көпшілікті мәуліт мерекесімен құттықтады. Нұралы ұстаз Пайғамбарымыз Мұхаммедтің (Алланың сәлемі мен салауаты болсын) ізбасарлары болған «Әділетті төрт халифа» туралы уағыз айтты. Пайғамбарымыздың (ﷺ) тал бойына топтастырған көркем мінезін, өз өмірлеріне үлгі етіп, өнеге еткен, мысалдарын тілге тиек етті.

Меркі ауданы тұрғындары, мешіт жамағаттары Нұралы Бақытұлына алғыстарын айтып, ризашылықтарын білдірді.

Меркі ауданы, «Меркі ата» мешітінің баспасөз қызметі