Үйдің сәні мен әнін келтіретін – дастархан. Қазан қайнап тұрса, ақыл сайрап тұрады дейді қазақ халқы. Расында,  үстелі жайнап тұрған шаңырақтың берекесі қашпайды. Ал, дастарханның шырайы мен дәмін кіргізу қашан да – әйелдің қолында. Әсіресе заман озған сайын ас мәзірінің қатары да қалысар емес. Осыған орай, ҚМДБ-ның Жамбыл облысы Шу ауданы бойынша Әйел-қыздар секторы "Шеберлік сағатын" өткізді. 

Аудандық "Жәми" мешітінде өткен шара осыдан бірнеше ай бұрын бастау алған. Үйді сәндеу, түрлі тағам жасау сынды келіншектер өз мамандығы бойынша мастер-класстар ұйымдастырып келеді.

Аталған игі бастаманың жалғасы бүгін жасалып, қыз-келіншектерге киім тігу үлгісі көрсетілді. Қатысушылар мешіт ұстаздарына алғысын айтты.

Шу аудандық "Жәми" мешітінің баспасөз қызметі