Жамбыл ауданы Бесағаш ауылында Әз-Наурызға арнап, мерекелік спорттық іс-шара өткізілді. Ұлттық ойындармен айшықталған аталған шараға ауыл тұрғындары және мешіт жамағатыда қатысты. Қазақтың ұлттық ойындары бес түрге бөлінеді. Олар: аңға байланысты, малға байланысты, түрлі заттармен ойналатын, зеректікті, ептілікті және икемділікті қажет ететін, соңғы кезде қалыптасқан ойындар. Олардың негізгілерінің өзі жүзден астам. Ауылда ұлттық ойындардан: арқан – тартыс, гір тасын көтеру, қол күрес, қой көтеру сынды көптеген ойындар өткізілді.      

Наурыздың айрықша тәлім-тәрбиелік, үлгі-өнегелік, сән-салтанаттық, мәрт-жомарттық, қадір-қасиеттілік нышан белгілері мен таным ұғымдарының үлгі түрлері өте көп. Оның барлығы әр адамды жоғары саналылыққа, әдептілікке, өнегелікке, бауырмалдыққа, көргенділікке, ізгілік пен білімділікке баурайды.

Жамбыл аудандық мешітінің баспасөз қызметі