750 тонна жүк тиеген гуманитарлық жүк пойызы Анкарадан Ауғанстанға жол тартты.

Гуманитарлық көмек түрік үкіметінің Төтенше жағдайларды басқару және алдын алу басқармасының (AFAD) үйлестіруімен 11 түрік қайырымдылық ұйымының қатысуымен құрылды.

Түркия астанасының вокзалында өткен «Мейірімділік пойызын» шығарып салу рәсіміне Түркия Ішкі істер министрі Сүлейман Сойлу, Көлік және инфрақұрылым министрі Әділ Караисмайлоғлы және Түркияның Дін істері басқармасының төрағасы профессор Али Эрбаш қатысты.

Рәсімде сөз сөйлеген Караисмайлоғлы Түркияның бауырлас және дос елі Ауғанстан да бар барлық мазлұмдар мен мұқтаждарды әрқашан қолдайтынын айтты.

«47 вагоннан тұратын екі пойыз 750 тоннаға жуық гуманитарлық жүкті тасымалдайды. Пойыз 4168 шақырымды жүріп өтіп, Түркіменстан арқылы Ауғанстанға жетеді», - деді Караисмайлоғлы.

Ведомство басшысы Ыстамбұл-Тегеран-Исламабад бағыты бойынша пойызға жетекшілік ете бастағанын еске салды, ол оңтүстік теміржол желісі деп те аталады. Бұл теміржол желісінде жүру уақыты 16 күн, деді Караисмайлоғлы.

Өз кезегінде Ішкі істер министрі Сойлу қысқы ауа-райы басталған Ауғанстанда 12,9 миллион бала көмекке зәру екенін айтты. Бұл ретте басқарма басшысы қиын-қыстау кезеңде мұқтаж жандарға қол ұшын созып жатқан өз елін мақтан тұтатынын жеткізді.

asyldin.kz