Жамбыл ауданы орталық «Бәйдібек» мешітінің найб имамы Жандос Жұмағұлов шам намазына келген мешіт жамағатына «Исламдағы көркем мінез» турасында кеңінен уағыз-насихат жұмыстарын жүргізді. Сонымен қоса, Пайғамбарымыздың (с.ғ.с.) көркем мінезі жайында айта өтті.                

Расында, көркем мінез - адам бойындағы ұлы қасиет, әрбір адамның мінез-құлқын көркем етуі отбасы, өскен ортасындағы тәлім-тәрбиесімен бірге өзінің де ақыл-парасат, күш-жігеріне, ынта-ықыласына, ең бастысы, жаратылысына байланысты. Әке-шешенің баласына берер ең үлкен сыйы – жақсы тәрбие болса, көркем мінез сол тәрбиенің шыңы.                                                                    

Көркем мінез – дінімізбен қоса екі дүниеде де бақытқа бастайтын бірден-бір жол. Егер біз ислам ұсынған көркем мінез үлгілерін дәріптеп, иманымыздың кәмілдігін Пайғамбарымыз бен сахабалар секілді іспен көрсете білсек және оны өмірлік дәстүрге айналдыра алсақ, төрткүл дүниенің түкпіріне тарыдай шашылған адамзат баласының исламға деген махаббаты да арта түспек.

Жамбыл аудандық мешітінің баспасөз қызметі