АҚШ Нью-Джерси штатында мұсылман студенттердің бірі этникалық араб Мохаммад Зубиді террорист деп атаған математика мұғалімін жұмыстан қуды. Оқиға Бергендегі Риджфилд мемориалдық мектебінде болған.

Он жеті жасар орта мектеп оқушысы, мұсылман Зуби өткен аптада кемсітушілікке ұшырады. «Тапсырманы үйде орындауға бола ма?» деген сұраққа мұғалім: «Біз террористермен саудаласпаймыз» деп жауап берді.

Мұғалім тергеуге дейін сабақтан шеттетілді. Риджфилд мемлекеттік мектептерінің уақытша инспекторы Летиция Пантолиано білім беру мекемесінің басшылығы студенттер мен қызметкерлерді кемсітуге жол бермейтінін атап өтті.

«Біз студенттер мен қызметкерлердің нәсілдік, діни, этникалық және жыныстық сәйкестігін қабылдайтын ортаны құруға тырысамыз», - деді ол.

Anadolu агенттігінің хабарлауынша, мектеп басшылығы мұғалімді жауапкершілікке тарту үшін барлық заң құралдарын қолдануға дайын, деп қосты Пантолиано.

asyldin.kz