Хайбар бекінісін мұсылмандар бағындырған күні бір отар малын айдаған малшы Мұхаммед Пайғамбарымызға (ﷺ) келіп жолығады.

-          Уа, Алланың Елшісі, мен де мұсылман болғым келеді. Қаласаңыз, мына қойлардың бәрін мұсылман әскерлерге таратып берейін.

Алла Елшісі (ﷺ):

-          Исламды қабылдау ниетің оң екен. Онда сені өзімізге бауыр деп білеміз. Алайда бұл қойлар кімдікі?

-          Хайбардағы бір байдікі.

-          Сен сол байдың малшысысың ба?

-          Иә.

-          Ендеше, бұл қойлар саған аманатқа берілген. Сондықтан, алдымен барып бәрін иесіне қайтар. Содан кейін барып арамызға қосыл.

Әлгі малшы айтылғанды істеп, аманат малды иесіне қайтарған екен. «Аманатқа қиянат болмас», - деген нақылдың тамыры тереңде жатқанын есімізден шығармайық.

asyldin.kz