Лондон қаласында Ұлыбритания аумағындағы үздік мешіттерді анықтау мақсатында жыл сайын тұрақты түрде өткізіліп келе жатқан Beacon Mosque Awards жүлдесін табыстау рәсімі өтті. 10 аталым бойынша табысталған жүлде Корольдік аумағындағы үздік мешіттердің бас имамдарына берілді.

Он аталым ішіндегі ең мәртебелі атақ – «Ұлыбританиядағы үздік мешіт басқару» жүлдесі Бирмингем қаласындағы Грин Лэйн мешітіне табысталды. Салтанатты шара барысында мінберге көтерілген Грин Лэйн мешітінің бас имамы Камран Хусейн жүлдені Мохаммед Салим есімді мешіт жамағатының жанұясына табыстайтынын мәлімдеді.

Айта кетейік, аталмыш мешіттің жамағаты Мохаммед Cалим 2013 жылы ақшам намазынан қайтып келе жатқанында экстремисттер қолынан қаза тапқан болатын.

Дереккөз: Muslim.kz