Жамбыл облысының рухани жүрегі орталық "Һибатулла Тарази" мешітінде ерекше семинар жүргізілді. Аталған жиынға облыс аумағынан жамағат пен діни қызметке ниет етіп жүрген азаматтар қатысты. 

Аталған сауат ашуға 24 шәкірт қабылданып, 1 ай бойы Құран, тәжуид, ақида, фиқһ және ислам тарихы пәндерінен дәріс алды. Сабақты мешіт-медресенің білікті мамандары жүргізді. 

Бір айлық семинар сабақтың қорытындысы ретінде жиналыс өтіп, артынша сынақ емтиханы жасалды. Қарты мен жасы бірге білім алған шәкірттерден емтиханды мешіт-медресе ұстаздары Асхат Акмамбетов пен Наркес Бұханов қабылдады.

Сонымен қатар ҚМДБ-ның Жамбыл облысындағы өкілі, "Һибатулла Тарази" мешітінің бас имамы Қанат Жұмағұл қорытынды дәріс жүргізіп, семинарға қатысқандарға сертификат табыстады. 

Ақерке БЕКҚҰЛОВА,

"Һибатулла Тарази" мешітінің баспасөз қызметі.