Жуырда Дубайда әлемдегі ең биік мейманхана ашылады деп күтілуде.  Халықаралық сауда орталығы ауданында орналасатын Gevora мейманханасының биіктігі 356 метрді құрайды.

528 нөмірден, 75 қабаттан тұратын мейманхананың салтанатты ашылуы үстіміздегі жылдың бірінші тоқсанына белгіленіп отыр. Нөмірлерден бөлек мейманхана ғимаратында 4 мейрамхана, сауықтыру клубы және  «люкс» санаттағы спа болмақ.

Осы арада айта кеткен жөн, қазіргі таңда әлемдегі ең биік мейманхана титулы JW Marriott Marquis Hotel тиесілі, ол да Дубайда орналасқан.