Салық салу күнə ма? Күнə болса мемлекет неге салық салады?

Омарбек 

Күнә емес. Мемлекеттің жалғасуы үшін берілу керек.

Азан шақырып болғанан кейін оқылатын дұғаны жазып жіберсеңіздер.

Азан дұғасы

{أللهُمَّ رَبَّ هَذِهِ الدَّعْوَةِ التَّآمَّةِ وَ الصَّلاةِ الْقَآئِمَةِ آتِ مُحَمَّداً الْوَسِيلَةَ وَ الْفَضِيلَةَ وَ الدَّرَجَةَ الرَّفيعَةَ وَ ابْعَثْهُ مَقَاماً مَحْموداً الَّذي وَعَدْتَهُ اِنَّكَ لاَ تُخْلُفُ الْمِيعادَ } 

Оқылуы: «Аллаһумма рәббә һәзиһид-да’уатит-тәәммә уәс-салаатил-қааймә, әәти Мухаммәдәнил-уәсиләтә уәл-фадиләтә, уәд-дәрәжәтәр-рафии’а. Уәб’асһу мақамәм махмуудәниллази уа’аттәһ. Иннәкә ләә тухлифул-ми’ад».

Мағынасы: «Ей, мына толық азан мен оқылатын намаздың Раббы! Хазіреті Мұхаммедке арқау болуды, ерен ерекшелікті және жоғары дәрежені бер! Және де оны өзің уәде еткен «Махмуд шыңына» жеткіз. Сенің өз берген уәдеңді орындайтыныңа ешқандай күмән жоқ».

Келінім үйден кеткеніне 4 айдан асты. Оның себебі, әке-шешеңмен тұрмаймын деп, немереммен кетті. Біз немеремізді қимаймыз, ажырасқандарын да қаламаймын. Келініммен сөйлесейін десем, сөйлеспейді. Заңды некесі бар. Енді балам да көңілі қалды, заңды түрде ажырасамын, баламды сот арқылы аламын дейді. Қалай жанұясын аман алып қаламын деп күніге ойлаймын. Балама бөлек тұр десем, қажеті жоқ деп тұр. Ақыл-кеңес берсеңіздер. Жолдасым  екеуіміз немеремізді сағынып, шаршадық. Балам сұраса, көрмейсің, бермеймін депті келінім.

Эльмира 

Намаз оқу арқылы Аллаға тәуекел етіңіздер. Аллаһ жеңілдігін берсін.

Садақа бергенде қалай дұға жасалады?

Айбек 

Қазақта «Құдайға бер де, жалын» деген. Өзіңіздің ішкі тілегіңізді сұрайсыз.

Ораза ұстасам деп едім.  Қандай  дұғалар, сүрелер жаттаған дұрыс? Тағы қояр сұрағым, Пайғамбарымыздың (с.а.у.) апта сайын немесе ай сайын ұстайтын оразасы бар екен. Сол  жайлы жазып берсеңіздер.

Есім 

Оразаға сүре, аят керегі жоқ. Тек  ниет болса болғаны. «Фатиха»,  «Ықылас», «Фаләқ», «Нас»  сүрелерін жаттасаңыз болады. Пайғамбарымыз (с.а.у.) дүйсенбі және бейсенбі күндері ораза ұстаған.

Менің әлеуметтік желімде бір сәләфи қыз бар, мен онымен сөйлесемін. Пайғамбарымыз (с.а.у.) хадисiнде: «Адам - досының дiнiнде», - деген. Ол қызбен  сөйлессем болады ма? Өзім 5 уақыт намаз оқимын.

Рүстем 

Өзіңіз хадисті айтып тұрсыз «Адам - досының дiнiнде», -  деп.  Мазхаб  ұстанатын  жігіт болсаңыз, ертең сізде солай болмайтыныңызға кім кепіл?! Үйленуге ниетіңіз болса басқа да қыздар көп.

Мен анамның әпкесінің үйінде тұрамын.  Сол үйде атасының өзінің немересінің баласының бейнесі салынған сурет бар және пластмасса материалынан жасалған  жануарлардың, шымшықтың мүсіні бар. Олар залда тұрады. Өзі намаз оқиды, мен де намаз оқимын және залда.  Намаз  оқитын уақытта суреттер мен жануарлардың, шымшықтың мүсіндерін жиыстырып қоямын. Сол уақытта маған үнемі ұрысады. Қазір асүйге ыңғайлап беремін деп жүр. Мен не істесем болады? Және әпкеме қандай насихат айтсам болады?  

Сүйіндік 

Дінде намаз оқығанда алдында сурет, мүсінге және қабырға қарап оқуға болмайды дегенді түсіндіріңіз. 

Дәретте неше парыз, неше сүннет бар?

Дәреттің 4 парызы 1) Бетті жуу. 2) Екі қолды шынтақпен қосып жуу. 3) Бастың ең аз дегенде төрттен біріне мәсіһ тарту. 4) Екі аяқты тобықпен қосып жуу.

Дәреттің 4 парызы 1) Бетті жуу. 2) Екі қолды шынтақпен қосып жуу. 3) Бастың ең аз дегенде төрттен біріне мәсіһ тарту. 4) Екі аяқты тобықпен қосып жуу.

Дәреттің сүннеттері
1. Дәрет алуға ниет ету.
2. «Бисмиллаһ» деп Аллаһ Тағаланы зікір ету.
3. Екі қолды білекке дейін жуу.
4. Мисуәк қолдану.
5. Ауызды үш рет шаю.
6. Мұрынды үш рет шаю.
7. Қастың, мұрттың түбіне су жеткізу.
8. Қалың сақалды араластырып жуу.
9. Қол, аяқ саусақтарын салалап, бәріне су тигізу.
10. Бастың барлығын су қолмен сипау.
11. Әр мүшені үш рет жуу.
12. Басқа масих тартқаннан кейін, құлақтың іші сыртын сулы қолмен сипау.
13. Мүшелерді тәртіп бойынша жуу.
14. Мүшелерді оңнан бастап жуу.