Тараз қалалық «Кеңесхан қажы» мешітінде қала имамдарының біліктілігін арттыруға бағытталған семинар өтілді. Имамдарға дәріс оқуға ҚМДБ-ның жанындағы «Ғұламалар кеңесінің» мүшесі, Алматы қалалық орталық мешітінің найб имамы, «Нұр-Мүбарак» университетінің докторанты, қари Әміре Ерсін Бекайдарұлы арнайы келді.

Дәріс «Әһлу сунна ақидасының, оның ішінде «матуриди» сенімі», «Әһлу суннаның уаһһабия ағымынан өзгешелігі» және «Имамдық – жауапты қызмет» тақырыптары аясында өрбіді.

Семинар соңы сұрақ-жауап күйінде жалғасып, имамдар көкейлеріндегі сұрақтарына жауап ала алды. Қаланың бас имамы Қанат Жұмағұл имамдарға дәріс оқыған Ерсін Бекайдарұлына алғысын білдірді.

«Кеңесхан қажы» мешітінің баспасөз қызметі.