Күндердің сұлтаны жұма күні ҚМДБ-ның облысымыздағы өкілі, «Һибатулла Тарази» облыстық мешітінің бас имамы Данияр Жұмабаев аудандық «Қордай» мешітіне арнайы іс-сапармен ат басын тіреді. Жиналған жамағатқа Данияр қари көптен күткен игі жаңалықтарды жеткізіп, Бас Мүфти Ержан қажы Малғажыұлының № 2192 бұйырығына сәйкес, Қордай ауданының бас имамы қызметіне тағайындалған Қасымалиев Дастан Жақсымбетұлын жамағатқа таныстырды. 

Ауданымыздан он бес жылдан астам қажырлы еңбек атқарған Шалбаев Жалил Торсықбайұлы басқа қызметке ауысуына байланысты өз еркімен босатылғанын жеткізген өкіл имам Шалбаев Жалилдің йығына шапан шауып қошемет көрсетті. Жамағат атынан Бақыт Байқонысұлы сөйлеп, жаңа тағайындалған  бас имамға сәттілік тілеп, Шалбаев Жалилдің еңбегіне алғысын білдірді. Жаратушы Йеміз жаңа бас имамымыздың қадамын оң қылғайсың деген дұғамен жамағат Данияр қари Әлимұхамедұлы жүргізген жұма намазға кірісті.

Аудандық «Қордай» мешітінің баспасөз қызметі