Дінімізді дұрыс түсіндіру, оның құндылықтарын әрбір қоғам мүшесіне жеткізе білу күн тақырыбынан түспейтін маңызды мәселе. Осы бағыттағы жұмыс барысында аудандық ішкі саясат бөлімі және аудандық «Қордай» мешітінің ұйымдастыруымен «Қордай» гуманитарлық-экономикалық колледжінің студенттерімен кездесу өтті.
Жиын барысында найб имам Д.Жандосұлы жастарға Отан алдындағы азаматтық міндет – білім алып, ғылым меңгеру екендігін айтып, қоғам құндылықтарын құрметтеуге шақырды.
Сонымен қатар, дәстүрлі дінімізге, салт-санамызға қайшы келетін жат ағымдар жайында маңызды мәліметтерімен бөлісті. Студенттер өз тарапынан АТТ мүшелеріне сұрақтарын қойып, нақты жауаптарын алды.
Аудандық «Қордай» мешітінің баспасөз қызметі