Облыстық ақпараттық топ: «Һибатулла Тарази» мешітінің найб имамы Таңат Тілманбетов, облыстық Дін проблемаларын  зерттеу орталығының бөлім басшысы Ерзат Жақыпов Меркі ауданында болып қайтты.

Ерзат Жақыпов аср намазының алдында «Меркі-ата» мешіті жамағатымен сұхбаттасып, мемлекет және дін мәселесі жайлы уағыз-насихат жүргізді. Соңында жамағат сұрақтар қойып, жауабын алды.

Жұма күні ақпараттық топ «Қарабала төре», «Жақсымбет» мешіттерінде болды. Жұма намазы алдында жамағатпен кездесіп, қазіргі діни ахуал жайлы, жат ағымдар, заңмен шектеу қойылған ағымдар туралы баяндады. Жұма намазының соңында сұрақ-жауап ұйымдастырылып, қанағаттанарлықтай жауап алды.

Қазіргі таңда дін мәселесі күрделі болып тұрған кезде осындай ақпараттық-насихат тобы қажет деп жамағат жалпы мәлімдеме жасады.

Аудандық «Меркі-ата» мешіті.