Қарияларды құрметтеу – біздің асыл борышымыз. Сол себепті, Байзақ ауданы «Байзақ баба» мешітінің бас имамы Рамиз қажы Азизов ақсақалдардың басын қосып, оларға шапан жапты. Сонымен қатар, имам Құран кәрім мен мұсылман күнтізбесін сыйға тартты.

Қарияларға қоғамға сіңірген еңбектері үшін, аудандық іс–шараларға атсалысқаны үшін, елдің бірлігіне ұйтқы болғаны үшін аудан имамы Рамиз қажы Азизов алғыс хаттарын табыстады.

Қарты бар үйдің қазынасы бар деген дана халқымыз. Ал қазынасы бар үй қашанда мейірім мен қуанышқа, шаттыққа толы болары сөзсіз.