«Һибатулла Тарази» медресесі талапкерлерді оқуға қабылдады. Жамбыл облысынан және Оңтүстік Қазақстан облысынан оқуға түсуге келген шәкірттер қоғамдық пәндерден емтихан тапсырды. Сондай-ақ, арнайы құрылған комиссия мүшелері талапкерлермен олардың діннен хабары жайлы, оқуға деген ынтасы жайлы сұхбат жүргізді.

 Аталған емтиханның комиссия мүшесінің құрамында «Һибатулла Тарази» медресесінің директоры Данияр Жұмабаев, «Һибатулла Тарази» медресе директорының орынбасары Исатай Оразов, «Һибатулла Тарази» медресесінің ұстазы Ғалымбек Жапек, «Һибатулла Тарази» медресесінің ұстазы Асхат Акмамбетов болды.

Ұстаздар шәкірттерге діни білімнің маңыздылығы, ілім алу жайында баяндап, сәттілік тіледі.

Ақерке БЕКҚҰЛОВА,

«Һибатулла Тарази» мешітінің баспасөз  қызметі.