Шу аудандық «Төле би» мешіті жанындағы балалар жазғы сауат ашу курсы өз жұмысын аяқтады.

Биылғы жазғы сауат ашу курсында ер балалар да, қыз балалар да дәріс алды.

Екі топтың балалары қасиетті Құран Кәрімді, Пайғамбарымыздың (с.ғ.с.) хадистерін, күнделікті әр мұсылманға тиісті дұғалар, намаз, дәрет алу сияқты ислам құндылықтарын үйреніп, дәріс алды.

Бір ай алған білімдерін сынап, үздіктерін анықтау мақсатында әдеттегідей өз-ара жарыс ұйымдастырылды.

Ауданның найб имамы Талғат Кәрібайұлы балаларға білім алу жайында, ата-анаға қамқорлық көрсету жайында, елдің абыройлы азаматы болу керектігі туралы уағыз-насихат айтып, елімізге, дінімізге пайдалы жақсы азамат болып, өсіп-өрлеулерін тіледі.

Шу аудандық «Төле би» мешітінің баспасөз қызметі