Әдеттегіндей, жаздық демалыстарда Шу аудандық «Төле би» мешітінде балаларға арналған сауат ашу курсы ұйымдастырылып өз жұмысын жүргізуде.

Пайғамбарымыздың (с.а.у.) хадисінде: «Сіздердің жақсыларыңыз Құранды үйренгендеріңіз және өзгелерге үйреткендеріңіз» дейді.

Жасөспірімдер күнделікті қасиетті Құранды оқуды, Пайғамбарымыздың (с.ғ.с) хадистерін, күнделікті әр мұсылманға тиісті  дұғалар, намаз, дәрет алу сияқты ислам құндылықтарын үйренуде.

Мешітімізге жаңа тағайындалған ұстаз Құлыбек Ердәулет балаларға білім беру мақсатында бар жігерін салуда.

Сондай-ақ, балалардың білімдерін жан-жақты арттыру мақсатында, жоспарға сай әр-түрлі қызықты ойындар ұйымдастырылып, діни мультфильмдер көрсетілуде.

Алла тағала діни білімдерін бұдан да әрі қарай тереңдетулерін  елімізге, дінімізге пайдалы жақсы азамат болып өсіп-өрлеулерін нәсіп қылсын!

Шу аудандық «Төле би» мешітінің баспасөз қызметі