Иман қолдың күшімен, маңдай термен, ақшаның көптігімен қол жеткізетін құндылық емес. Ол жүректің Алланы бір деп біліп, Пайғамбары Мұхаммед (с.ғ.с) әкелген шариғатына шын жүрегімен сену арқылы келетін сенім. Бұл – Алланың құлына сыйлаған ең үлкен сыйы.

Мұсылманның жүрегінде болатын кіршіксіз иманды тек Алла ғана сыйлайды.

Бүгін Караваева Ксения Владимировна есімді қыз бүгін орталық мешітке арнайы келіп, исламды қабылдады. 1994 жылғы Ксения Қазақтелекомда қызмет ететін қарапайым тұрғын. Үйінде үш ағайынды, ұлты – орыс. Өзінің жүрегі Исламды жақын көрген соң осындай шешім қабылдаған 22 жасар Ксения бүгінде тілін кәлимаға келтіріп, өзіне мұсылманша есім таңдады. Мұсылман атанған ол өз есімін Айша деп өзгертті.

Әлбетте, Алла тағала кімді тура жолға саламын десе, оның бақытты екенін есте ұстайық!  

Ақерке БЕКҚҰЛОВА,

«һибатулла Тарази» мешітінің баспасөз қызметі.