Қасиетті Рамазан айындағы уағыз-насихат жұмыстары  аудандық «Қордай» мешітінің ұйымдастыруымен өз деңгейінде жүріп жатыр. Найб имам, дінтану магистрі  Дәуренбек Жандосұлы аудандық мұрағат ұжымымен дін тұрғысында әңгіме өрбітіп қайтты.

Мекеме ұжымы қатысқан келелі жиында  барша ұжымды қасиетті Рамазан айымен құттықтаған, дін өкілі қасиетті айдың қадірі жайлы сөз етіп, қасиеті мол қадір түні турасында тоқталды. Әрине, елімізде орын алып отырған қайғылы  оқиғаларда сұхбат барысынан тыс қалмай, ұжымға ҚМДБ Ғұламалар кеңесінің үндеуі таныстырылып,  толық дінді түсінген адамның мұндай теріс әрекеттерге бармайтыны түсіндірілді. Д.Жандосұлы теріс ағымдардың зияны мен кесапаты жайлы сөз етіп, олардан сақтану жолдарын жете түсіндірді. Мекеме ұжымы тарапынан дін өкілінен сұрақтар қойылып, тиісті жапуаптар қайтарылды.

Аудандық «Қордай» мешітінің  баспасөз қызметі