Рамазын айында Құранды бастан аяқ оқып хатым ету – сауабы мол сүннет амалына жатады. Олай болса, Құран оқудың өзі намаз, ораза секілді жеке ғибадатқа жатады.

Міне, сол ғибадат Қасиетті Рамазан айында Т.Рысқұлов аудандық «Сұлтан» мешітінінде кеше тарауих намазында Құран Хатым оқылып аяқталды. Ораза кезіндегі оқылған Құран Хатым сауабы шексіз екені белгілі. Осы айды сағына күткен жамағатымыз тарауих намазына белсене қатысып, намаз соңында мешіттің бас имамы Сұлтаншәріп қажы Джадраев хатымның дұғасын оқып, мешіт жамағаты атынан қариларға сый-сияпаттар табыс етіп, ақсақалдар ақ батасын берді.

Әбілда МЕЙІРХАНОВ