«Тәрбие басы–тал бесіктен» демекші, келер ұрпақтың тәрбиесіне бала күнінен көңіл бөлінуі қажет. Маусым айынан бастап Мойынқұм аудандық мешітінде, Жамбыл ауылы «Жексенбай ата» мешітінде жазғы сауат ашу курсы өз жұмыстарын атқарып келеді.
Жеткіншектерге жазғы сауат ашу аясында Құран әліппесі, түрлі дұғалар мен сүрелер жаттау сабағы, сондай-ақ, дәрістер өткізіліп, жас ұрпақты иман шарттарымен таныстырып, әдептілік пен тазалық, дәрет алу мен намаз оқу секілді ұғымдар аясы кеңінен түсіндірілуде. Сонымен қатар түрлі спорттық сайыстар ұйымдастырылып, салауатты өмір салтын ұстану әдебі жүргізілуде.

Ә.Сүйіндік