Аудандық «Қордай» мешітінің ұйымдастыруымен өтіп жатқан «Имани жаз-2016» жазғы діни сауат ашу курсы шәкірттердің алған білімдерін шыңдау, білім алуға деген ынта-жігерлерін арттыру мақсатында және шәкірттердің курс барысында алған білім деңгейлерін анықтау мақсатында емтихан жүргізді. Емтихан тәжуид ережелері, Құран жаттау және иман негіздері пәндері бойынша өтті.

Сынаққа аудандық «Қордай» мешітінің найб имамы Д.Жандосұлы, мешіт ұстазы А.Сатылғанов, «Нұр-Мүбәрәк» университеті исламтану мамандығының студенті Қ.Қайырғали әділқазылық жасады. Емтихан қорытындысы шығарылып, жақсы көрсеткіш көрсеткен шәкірттерге бағалы сыйлықтар табысталды.

Аудандық «Қордай» мешітінің баспасөз қызметі