Байзақ ауданы Жаңатұрмыс округіне қарасты Көкбастау елді мекенінде ауылдық округ әкімі аппаратының ұйымдастыруымен аталмыш тақырыпта мерекелік іс–шара болды. Осы іс–шараға ауыл ақсақалдары, ауыл ардагерлері және «Қалмұрат баба» мешітінің молдасы Бақытбек Сағымбаев қатысты.

Жиында Жаңатұрмыс ауылдық округінің әкімі Қ.Шалбаев ардагерлерді құттықтай отырып: «Соғыстың жеңісі, біздің тарихымызда ерліктің, отанға деген сүйіспеншілік пен адалдықтың асқақ шыңына айналды»,- дей келе, 1941 – 1945 жылдары соғыстан  оралмай қалған батырлардың  монуметіне ауыл ардагерлерімен бірге гүл шоқтарын қойды. Және осы шараның соңында Құран аяттары оқылып, әкімшілік аппаратында дастархан жайылып, ардагерлерге құрмет көрсетілді. Бас қосуда Әлітай Досболов пен Үсіп Жартыбаевтар да, ауыл ақсақалдары да ризашылықтарын білдірді.

Байзақ ауданы