«Тазалық – иманның жартысы» деген хадисті ту еткен  аудандық «Қордай» мешітінің қызметкерлері имандылық ордасының ажарын аша түсу үшін жалпы мешіт ауласын тазалығына ерекше ден қояды. Қоршаған ортаның тазалығына мән беріп, көңіл аудару әрбір мұсылман баласының бұлтартпас борышы болып саналады. Сондықтан мешіт ауласында әрдайым тазалық жұмыстары үзілмей атқарылып тұрады. Ал осы күндері кең көлемді тазалық жұмыстары жүргізілді.

«Жұмыла көтерген жүк жеңіл» дегендей мешітте өткен игі шараға «Жастар ресурстық орталығының» қолдауымен «жасыл ел» бағдарламасына қатысушы жалынды жастар да атсалысты. Жалындаған жастардың күш қуатын тиімді пайдаланып, мешіттің сыртқы қоршауларын, мешіт дарбазасын, толығымен сырлады. Мешіттің көгалдарын қысқартып, жеміс ағаштары түптеліп тағы да басқа ауқымды жұмыстар атқарылды. «Дін мен тарих тағылымы» жылы аясында «жасыл ел» жастарымен бірге  қабірстанда тазалық жұмыстарын жүргізу жоспарлануда. 

Аудандық «Қордай» мешіті баспасөз қызметі