Тараз қаласында орналасқан «Тектұрмас» мешітіне Бақтияр Амантайұлы Амреев имам болып тағайындалды.

Жаңа имам бұған дейін Тараз қаласындағы «Бегалы ата» мешітінде ұстаздық қызмет атқарған. Жаңа имамды Тараз қалалық «Әулие ата» мешітінің бас имамы Аят Алмахановтың тапсырмасымен «Әулие ата» мешітінің найб имамы Ораз қажы Баймаханов жамағатқа барып, арнайы таныстырды.

Ал, Тектұрмас мешітінде имамдық қызмет атқарған Мұхтар Бимырзаев Тараз қаласындағы «Бегалы ата» мешітіне найб имам болып тағайындалды. «Жаңадан тағайындалған қос имамға жұмыстарына сәттілік, діни қызметте аянбай қызмет атқаруларына тілектеспіз,»  – дейді  жиналған жамағат.