Имам Мүслимнен келген хадисте кездеседі, Пайғамбарымыз Мұхаммед (с.ғ.с.): «Алла Тағалаға қаланың өте жақсы орындары – мешіттері. Ал, қаланың өте жаман орындары – базарлары,» – дейді. Мешіт – мұсылманның Жаратушысына құлшылық жасап, тәубеге келер, жанына жара салған хакім Абай айтқандай «қияметшіл дүниенің» кірінен тазарып, бар арман, үмітінің ақталуын тілеп, дұға жасайтын қадірлі үйі.

Бұл күндері ауыл-аймақтарда құлшылық үйі, мешіттердің бой көтеріп келе жатқаны көңіл қуантады. Жуырда Т.Рысқұлов ауданына қарасты Ақыртөбе ауылындағы жаңа салынып жатқан мешіттің хал-ахуалымен танысу мақсатында найб имам Шералиев Фархат мешіт құрлысын аралап келді. Мешіт салу – сауапты іс, Пайғамбарымыз Мухаммедтің (с.ғ.с.) бір хадисінде: «Кім Алла ризалығын табу үшін мешіт салса, Алла Тағала ол адамға жаннаттан үй тұрғызады» деп  мешіт салудың сауапты әрі игілікті амал екендігін айтып өтті.

Әбілда МЕЙІРХАНОВ

Т.Рысқұлов ауданы