Алла Тағала қасиетті Құран Кәрімде «Бақара» сүресінің 152-аятында «Мені еске алыңдар, Мен де сендерді еске аламын. Әрі шүкір етіңдер және күпірлік етпеңдер» – дейді.

Қордай ауданының бастамасымен бірнеше ауыл жамағаты кезекпен ауыл мешіттерінде жиналып, облыстан қонақ шақырып, уағыз-насихат, дәріс жүргізуде. Осы жоспардың аясында, облыстық «Һибатулла Тарази» мешітінің найб имамы Ғалымбек Жапек аталмыш ауданда қонақта болып қайтты.

Имамның уағызын тыңдауға Саламат Аманбаев Қасық ауылының жамағатымен, Жармұхаммед Танекеев Қақпатас ауылының жамағатымен, Сәбит Алданазаров Жамбыл ауылының жамағатымен, Нұрлан Жиенбаев Бекқайнар ауылының жамағатымен, Серік Рахымбаев Сарыбұлақ ауданының жамағатымен Қордай мешіттінде бас қосты.    

Қоғамдағы өзекті мәселелердің түйінін тарқатып, имани жүздесу өткізген көпшілік ынтымақ пен бірліктің орны ерекше екенін көрсетті. 

Ақерке БЕКҚҰЛОВА,

«Һибатулла Тарази» мешітінің баспасөз қызметі.