Аудандық «Қордай» мешітінің ұстазы А.Сатылғанов Қордай ауданы Қаракемер ауылындағы Әбіл Нүсіпбаев атындағы орта мектеп оқушыларымен кездесу өткізді.

 Кездесуге жоғарғы сынып оқушылары қатысты. Жиында «Жастар – діни экстремизм мен терроризмге қарсы» тақырыбы көтерілді. Ұстаз А.Сатылғанов «Ислам діні бейбітшілікті насихаттайды, шынайы мұсылман адам өзгеге тілімен де қолымен де зиян тигізбейтін жан» – дей келе, Ислам діні экстремизм мен терроризмге үш қайнаса сорпасы қосылмайтынын жеткізе білді. Оқушылар тарапынан түрлі сұрақтар қойылып, баршасына нақты дәлелдермен түсінік берілді.

Аудандық «Қордай» мешіті баспасөз қызметі