Тазалықты таразылайтын көктем мезгілі де келіп жетті. Қыстай қар басқан көшелердің жай-күйі де осы мезгілде айна қатесіз көрініп тұратыны белгілі. Қазақ «Өлі риза болмай, тірі байымайды» - дейді.

Тазалықтың – иманның жартысы екендігін ұғынған ата-бабаларымыз қабірдің айналасын таза ұстау мұсылмандығымыздың бір белгісі дейтіні де сондықтан.

Шу қалалық "Айтқұл баба" мешітінің бас имамы Шаттық Қамаубаевтың ұйытқы болуымен мешіт жамағаты бір жағадан бас, бір жеңнен қол шығарып бірлесе мазарларға тазалық жұмысын жүргізді.

Мазар айналасын қоқыстан тазартып, ретке келтірген жамағат бұл іс арқылы сыйластығы мен ынтымағын танытты.

"Һибатулла Тарази" мешітінің баспасөз қызметі.