Қасиетті Ережеп айының құрметіне Ережеп айының екінші күні Шу аудандық Төле би мешітінің асханасында бес уақыт намазға келетін жамағат арасынан  ораза  ұстаған  бауырларға кішігірім ауызашар берілді. 

Ардақты Пайғамбарымыз (с.ғ.с.) әрдайым Ережеп айына аяқ басқан уақытта «О Алла, біздерге Ережеп, Шағбан айларының берекесін беріп, Рамазанға қауыштыра гөр!» – деп дұғада болатын. Мұсылман баласын Рамазан айындағы оразаға дайындайтын, Ережеп пен Шағбан айларының берекесі оның нәпіл оразалары мен ауызашарларында болса керек.

Аудан имамы Қ. Мусаев жиналған жамағатқа: «Ережеп айының қадір-қасиеті жайында уағыз-насихат айта келе бұндай іс-шаралардың болып тұруы жамағат арасында ынтымақтықты күшейтіп, бауырмалдықты арттырудың бірден-бір жолы,» – деді.

Шу аудандық Төлеби мешітінің  баспасөз қызметі