Облыс әкімдігінің жастар саясаты мәселелері басқармасы «Жастар ресурстық орталығының» ұйымдастыруымен «Тараз химия-технологиялық» колледжінде студенттер арасында өз-өзіне қол салу фактілерінің  себептерін анықтау және оның алдын алу мақсатында «Жарқын өмір – өз қолыңда» тақырыбына семинар-тренинг өткізілді.

Семинар барысында ресурстық орталықтың кеңесші мамандары жастар арасындағы суицид, оның себептері мен алдын алу шаралары жөнінде түсіндірме жұмыстарын жүргізсе, облыстық жасөспірімдер үйінің педагог-психологы Құрманай Оразова суицидке апаратын белгілер мен депрессиялық жағдайға ұшырамау бағыты бойынша ақпарат беріп өтті.

Сондай-ақ, семинар барысында орталық «Һибатулла-Тарази» мешітінің найб имамы Ержан Аманбаев мұсылман дінінде өз өміріне қол салу мәселесінің салдары мен зардаптары жөнінде өз ойын ортаға салып, студенттер тарапынан қойылған сұрақтарға тұшымды жауаптар берді.

hibatulla.kz