Діни экстремизмнің алдын алу мақсатында Шу ауданы Төле би ауылында М.Мақатаев атындағы қазақ орта мектебінде 9-10 сынып оқушыларымен кездесу ұйымдастырылды. Іс-шараға Шу аудандық «Төле би» мешітінің бас имамы Қ. Мусаев,  аудандық ішкі саясат бөлімінің  мамандары дінтану пәнінің мұғалімдері қатысты.

Оқушылармен кездесу барысында ауданның бас имамы Қуандық Берікұлы отбасы жайлы уағыз-насихат жүргізді. Сонымен қатар уағыз барысында Ислам дінінің ұстанымы бейбітшілікті, от басындағы ынтымақ-бірлікті, тіпті тілімен біреуге зиян тигізуге болмайтындығын қамтитындығын айтып, басқа да мәселелер жайында сөз қозғады.

Кездесу соңында оқушылар тарапынан әртүрлі сұрақтар қойылып, оған толымды жауаптарын алып жатты.

Шу аудандық Төлеби мешітінің баспасөз қызметі