Шу қалалық «Жәми» мешітінің бас имамы Қуат Дүйсенбайұлының ұйымдастыруымен апта сайын ҚМДБ-ның имамдары алдына қойған міндеттерінің бірі – қайырымдылық шаралары Шу қаласында тоқтаусыз жалғасын табуда. Соның бір айғағы, мешіт қызметкерлері, аталған мешіт жамағатының жас жігіттерінің демеушілігімен қаладағы тұрмысы төмен, көп балалы отбасыларға қол ұшын созып, жәрдем беріп келеді. Еліміз көп ұлтты халықтан тұратыны баршамызға белгілі, соның ішінде Шу қаласыда әртүрлі ұлт өкілдері орналасқаны мәлім. Сондықтанда мешіт қызметкерлері өзге ұлт өкілдерінде ұмыт қалдырған емес.

Осыған байланысты осындай игілікті шараны жолға қойған Қазақстан мұсылмандары діни басқармасының төрағасы, бас мүфти Ержан қажы Малғажыұлына және Шу қалалық «Жәми» мешітінің қызметкерлерімен жамағатына алғыстарын айтып, ризашылықтарын білдіруде.