Аудандық «Қордай» мешітінің найб имамы Дәуренбек Жандосұлы оқушылармен кезекті жүздесуін өткізді. Бұл жолы ол білім саласында жылда жетістіктерге ие болып жүрген №4 Б.Бөлтіріков атындағы орта мектепке ат басын тіреді.

Өз саласының маманы білім ордасындағы 9-10-шы сынып оқушыларына жалпы дін туралы мол мағлұмат берді. Кездесуде имандылық, ар-ұят, тәртіп пен тазалық жайында мазмұнды насихат айтылды.

Өскелең жас ұрпақтың жат ағымдардан аулақ болулары жөнінде өзінің нақты дәлелді  сүбелі сөз сөйледі. Оқушыларға арнайы дайындалған бейне роликтер көрсетіліп, Д.Жандосұлы оларға кең түсініктеме жасады. Оқушылардың  қойған сауалдарына тыңғылықты жауаптар қайтарылды.

Аудандық «Қордай» мешітінің баспасөз қызметі