Аудандық «Қордай» мешітінің найб имамы, дінтану магистрі Д.Жандосұлы  мешіт жамағаттарымен кездесулерін жалғастыруда. Д.Жандосұлы ат басын  Сарыбұлақ ауылына тіреді. Кездесуге «Сахаба» мешітінің жамағаты, Қақпатас, Қайнар ауылдарының жамағаттары және жақын ауыл имамдары қатысты.

 Кездесу барысында найб имам тұщымды уағыз айтып, иман мен үлкен күнәлар жайында түсіндіріп, шайтанның азғыру жолдары атты тақырып аясында әңгіме өрбітті. Сонымен қатар, қазақ халқының дәстүрлері дінге қайшы келмейтінін, керісінше діннен бастау алатынын тілге тиек ете отырып, Қазақстан мұсылмандарының тұғырнамасы еңбегімен таныстырып өтті. Найб  имам дін атын жамылған экстремистік әрекеттердің қаншалықты қауіпті екенін жан-жақты түсіндіріп, олардың мақсатын ашып айтып берді. Мұсылман қоғамының басты проблемасына айналған ағымдардың   ылаңы кім-кімді бей-жәй қалдырмай отыр. Ағымдардың  көксеген мақсаты мен жасап жатқан идеологиялық әрекеттерінің жастар арасында қалай таралып жатқанына тоқталған Д.Жандосұлы, мұндай жат ағымдармен қоғам болып күресу керектігін баса назарда айтып өтті. Уағыз соңында тұрғындар тарапынан қойылған сауалдарға жауап берілді.

Аудандық Қордай» мешітінің баспасөз қызметі