Байзақ ауданындағы баршаны дүрліктерген қайғылы оқиғаға байланысты ҚМДБ-ның Жамбыл облысы бойынша өкілі, «Һибатулла Тарази» мешітінің бас имамы Данияр қажы Жұмабаев Байзақ жамағатымен арнайы жүздесу үшін «Байзақ баба» мешітіне ат басын бұрған болатын. Имам жұма намазына жиналған жамағатқа ел бірлігі, татулық тақырыптарында уағыз айтып, халықты сабырға шақырды.  

Сондай-ақ, жергілікті билік өкілдері мен құқық қорғау орғандары, діни конфессиялар өкілдері Жамбыл облысы Байзақ ауданы Бурыл ауылының тұрғындарымен кездесті. Бурыл ауылында орын алған оқиға бойынша түсіндіру жұмыстары жүргізіліп, өкілдер тұрғындармен әңгімелесті.

Қазіргі уақытта аудандағы шулы мәселе басылып, аудандағы жағдай қалыпына келтірілген.

«Һибатулла Тарази» мешітінің баспасөз қызметі.