Адами қасиеттердің ең қадірлісі кайырымдылық болғандықтан, оны жасаудың өзі бір үлкен ғибрат. Пайғамбарымыз (с.ғ.с.) бір хадисінде «Жер бетіндегілерге мейірімділік көрсетсеңдер, көктегілер де сендерге мейірімділік көрсетеді» деген.

Міне, осыған орай, Шу аудандық «Төле би» мешітінің ұйымдастыруымен қайырымдылық іс-шарасы өтті. Мешіт тарапынан аудандық мешітінің бас имамы Қуандық Мусаевтың ұйтқы болумен Төле би ауылында тұратын тұрмыстық жағдайы төмен отбасыларды аралап, қыстық отын-суға мұқтаж жандарға яғни 15 отбасыға көмек көрсетілді. Әр жанұяға 6-7 қаптан көмірден таратылды.

Шу аудандық Төле би мешітінің баспасөз қызметі