Т.Рысқұлов ауданы «Сұлтан» орталық мешітінің бас имамы Сұлтаншәріп қажы Джадраевтың ұйымдастыруымен ауыл  имамдарының мәжілісі өтті. Аталмыш өңірдің ауыл мешіттерінің имамдары бас қосып, ҚМДБ жүктеген тапсырмаларымен танысты. Алдағы уақытта жеке-жеке тоқталған мәселелерге бас имам дайындық жұмыстарын жүргізу керектігін ескертті.

   Сонымен қатар ҚМДБ-ның діни оқу орындарына шәкірттер жіберу мәселесін де қозғады. Жазғы мезгілде мектеп жасындағы балаларға сауат ашу курсында жылдан-жылға жоғары деңгейде діни дәрістер өткізілу керектігін айтып өтті. Молдаларға діни рәсімдер мен мешіттегі 5 уақыт намаз өткізу кезінде ҚМДБ-ның бекіткен жаңа үлгідегі шапаның мүмкіндігіне қарай киіп жүруін тапсырды. 

 Әбілда МЕЙІРХАНОВ,

әскери зейнеткер.