Дін саласында қызмет ету өте жауапты да, әрі сауапты іс екені баршамызға мәлім. Әрбір сала қызметінде түрлі қиындықтар, ауырпашылықтар болатыны да анық нәрсе.  Қызмет бабында сол қиындықтарды елемей, жан-тәнімен жұмыс жасау – бұл мұсылман үмбетінің бір міндеті. Бұл әсіресе дін қызметкерлерінің алғашқы мақсаттардың бірі.

Болашақ дін мамандарын дайындаудағы көрсетілген үлкен көмектері үшін Қордай ауданының бас имамы Ж.Шалбаев бастаған имамдар тобы (М.Дауров «Дінислам» мешіті, Х.Удый «Ханафий» мешіті, И.Шаров «Сортөбе» мешіті, Е.Мезеров «Аюб Ансари» мешіті, Г.Паншаров «Хамид бен Бадый» мешіті, Д. Хусар «Имам Ағзам» мешіті, Б.Кутуров «Аль Қуддус» мешіті) ҚМДБ-ға қарасты «Үш қоңыр» медресесінің директоры Е.Мәженнің алғыс хатымен марапатталды. Марапатты тапсыруға келген медресе ұжымы бас имам Ж.Шалбайға ерекше алғысын айтып, дін саласындағы қызметіне сәттілік тілеп, иығына салтымыз бойынша шапан жапты.

Қасық ауылы «Құдайберген» мешітінің имамы С.Аманбаев тәуелсіздік мерекесіне орай, ауылды көркейтуге, жастардың діни сауаттылығын арттыруға қосқан үлесі үшін Қасық ауылының әкімі А.Әбдібаевтың алғыс хатымен марапатталса, ауылдық мәдениет үйінің директоры Д.Садықованың алғыс хатымен Қазақ хандығының 550 жылдығы мерейтойына ұйымдастырылған іс-шараларға белсенді ат салысқаны үшін марапатталды.

Аудандық «Қордай» мешітінің наиб имамы Д.Жандосұлы 40-шы әскери база 21450 әскери бөлімінің және ҰҚК шекара қызметінің 2038 әскери бөлімінің командирлерінің  жеке құрамның діни сауатын ашуға, Отан сүйгіштікті тәрбиелеуге және  рухани құндылықтардың насихатталуына қосқан сүбелі үлесі үшін алғыс хаттарымен марапатталды. Марапат йелеріне Алланың алдындағы мақтаулы құлдардың болуына тілектеспіз!

Аудандық «Қордай» мешітінің баспасөз қызметі