Имамдардың білімін шыңдап, біліктілігін арттыру мақсатында Бас мүфти Ержан қажы Малғажыұлының тапсырмасына сәйкес ағымдағы жылдың 20 қазан – 11 қараша аралығында Жамбыл облыстық орталық «Һибатулла Тарази» мешіті облысымыздағы қала және ауыл имам-молдаларының басын құрап, білім жетілдіру семинарын ұйымдастырғаны белгілі. Аталмыш семинар 4 кезеңнен тұрып, әр кезеңде 3 күндік ілім алу курсы жүргізілді.

Алдында хабарлағанымыздай семинарда Құран ілімі, ислам тарихы, фиқһ, ақида, хадис ілімі, ҚР діни ахуалы пәндері жүргізілді. Имам-молдаларға «Һибатулла Тарази» медресесінің ұстаздары Амангелді Ембергенов, Ғалымбек Жапек, Сержан Алманов, Нұралы Бақытұлы дәріс берді.

«Семинардан көп нәрсе үйрендік. Мәселен, ақида, фиқһ пәндерінен ерекше әсер алдық. Қазіргі таңдағы ахуал, қоғамдағы түйіткілді мәселелерде шариғат бойынша амал ету жолдары қарастырылды. Білімімізді расында тереңдетттік. Алдағы уақыттарда бұл имамдар семинары жиі ұйымдастырылып, дәртүрін жалғастырса дейміз,» – дейді семинарға қатысушы Закир Юбузов Юсуфович Қордай ауданы Қарасу ауылы «Ахмет Яссуи» мешітінің имамы.

282 молдаға білім жетілдіру семинарына қатысқаны үшін Бас имам Данияр Әлимұхаммедұлы арнайы сертификатты табыс етті. Сондай-ақ, «Катар-Қазақстан Құранды қолдау» қорының сый еткен қасиетті кітабі Құран Кәрім имамдарға таратылды.

Ақерке БЕКҚҰЛОВА,
«Һибатулла Тарази» мешітінің баспасөз қызметі.

Закир Юбузов Юсуфович