Қазақстан мұсылмандары діни басқармасының төрағасы, Бас мүфти Ержан қажы Малғажыұлы хазреттің бастамасымен елімізде көптеген іс-шаралар атқарылып келеді. Соның ішінде Тараз қаласының имамдарының бас қосуы. Аталмыш жиында шешімін таппай жүрген өзекті мәселелерді талқылап, ислам дінінің өркендеп дамуы үшін бәрі бір ауыздан өздерінің пікірлерін ортаға салды.

         Жиынға Тараз қалалық «Әулие-ата» мешітінің бас имамы Аят Дыбысұлы Алмаханов және наиб имам Ораз Баймаханов төрелік етті.

         Бас имам Аят Алмаханов өз сөзінде дініміздің дамып өркендеуін және де ҚМДБ-ның тарапынан жарық көрген «Қазақстан мұсылмандарының тұғырнамасы» атты кітапты таныстырып, ішіндегі мәселелерді жан-жақты талқылап, қала имамдарының біліктілігін шыңдай түсті. Сонымен қатар ҚМДБ-ның Тараз қаласына тарту еткен сыйлығы «Құран Кәрім» кітабын әр мешітке 10 данадан тарту етті.

Есет ТАЛАСБАЕВ

Әулие-ата» мешітінің баспасөз қызметі