Алланың жердегі үйі – мешіт. Ал, бұл ғибадат үйінің нұрын асқақтатар имам-молдалардың білімдерін шыңдап, жаңартып, тереңдетіп отырулары әлбетте, қажет. Ілім алу – тал бесіктен жер бесікке жеткенше парыз амал. Осы мақсатта ҚМДБ-ның Жамбыл облысы бойынша өкілдігі «Һибатулла Тарази» медресесінде имамдар семинары басталды. Аталмыш семинарға осы облыс бойынша қала, аудан имамдары қатысуда. Олар Құран ілімі, ислам тарихы, фиқһ, ақида, хадис ілімі, ҚР діни ахуалы пәндері бойынша білімдерін толықтырады. Көрсетілген дәрістерді «Һибатулла Тарази» медресесінің ұстаздары Амангелді Ембергенов, Ғалымбек Жапек, Сержан Алманов, Нұралы Бақытұлы жүргізеді.

4 аптаға созылатын имамдар семинары бүгін өз жұмысын бастады. Жиынның шымылдығын ҚМДБ-ның Жамбыл облысы бойынша өкіл имамы Данияр қажы Жұмабаев ашты. Сондай-ақ, облыс әкімінің дін істері басқармасының өкілдері баяндама оқыды. Көрсетілген аралықта әрбір семинарға 80 адамнан қатысып, 1 айда 300 имамды қамтымақ жоспарда.

Ақерке БЕКҚҰЛОВА,

«Һибатулла Тарази» мешітінің баспасөз қызметі.