Жастар – еліміздің болашағы, туымызды желбіретер ұландары. Ал, таразыда сан теңселген қазақ тарихының мұрагерлері болған жастар қандай болуы керек? Әлбетте, ата дәстүрін ұмытпаған қайсар еліміздің  рухын асқақтатар тұлға болулары мақсат. Иманды да, көзі ашық болу бүгінгі ұрпақ тәрбиесінің басты мұраты.

Аталмыш мақсатта ҚМДБ-ның Жамбыл облысы бойынша Жастар бөлімінің өкілі Ержан Аманбаев аудандарды аралап, ауыл жастарын «Қазақстан мұсылмандарының тұғырнамасымен» таныстырды.  Тұғырнама – мұсылмандардың шариғат шарттары көрсетілген сенім кітабы болып табылады. Түрлі ағымдардың белең алған кезеңінде ҚМДБ бойынша білім алу, сол бойынша бекітілген кітаптарды оқудың дұрыстығы, сенім турасында сұрақтар болса, тұғырнамаға жүгіну жайы тілге тиек болды.  

Жиын Т.Рұсқұлов ауданы Жаңатұрмыс ауылында өтті. Кездесуге «Тараз достары» ұйымының басшысы Исламбек Дастан мырза да ұйытқы болды. Іс-шарада көкейіндегі сауалдарын қойған жастар мардымды жауаптар алды.

Ақерке БЕКҚҰЛОВА,

«Һибатулла Тарази» мешітінің баспасөз қызметі.