Күндердің ұлығы жұма күні облыстық «Һибатулла Тарази» мешітінің наиб имамы Ержан Аманбаев пен облыстық дін істері басқармасының бас маманы Еркебұлан Есмаханов Асанбай Асқаров атындағы колледжінде сондай-ақ, «Жақсымбет-ата» және «Қарабала төре» мешіттерінде уағыз айтып, жұма намазына қатысты.

Түс ауа облыстық ақпараттық насихат тобы аудан әкімшілігінің ішкі саясат бөлімінің бас маманы Меліс Ракишев Сұрат ауыл округында болды. Жиынға ауыл тұрғындары, ақсақалдар, жігерлі жастар, ауыл әкімшілігінің қызметкерлері қатысты.

Мәжілісте жат ағымдарға талдау жасап, кейбір жат ағымдардың Қ.Р. заңымен шектеу қойылғаны жайында сөз қозғалды. Облыстық дін істер басқармасының бас маманы Еркебұлан Есмаханов баяндама оқып, дәріс оқыды.

«Жақсымбет-ата» мешітінде жұма намазының алдындағы уағызды облыс наиб имамы Ержан Аманбаев жүргізді. Бұл жолғы уағыз ата-ана, шариғат пен салт-дәстүр турасында өрбіді. «Қарабала төре» мешітіндегі жұма уағызын Еркебұлан Есмаханов жүргізді.

Ауыл округтерінде, колледжде, мешіттерде жоспарланған кездесулер толығымен орындалды.

Аудандық «Меркі-ата» мешіті.