Т. Рысқұлов аудандық «Сұлтан» мешітінде бесін намазының алдында жиылған жамағатты ауданның бас имамы Сұлтаншәріп қажы Джадраев облыстық дін саласы бойынша ақпараттық насихаттық топ мүшелерімен таныстырды. Аталмыш мешітте халықпен жүздесіп, қонақ болған Аян Оразбаев, Айнабек Ахметов, Сержан Култаев дәстүрлі дініміздің құндылықтары жайында уағыз айтты.

    Жиында Айнабек Ахметов бірлік пен ынтымақ, қазақ даласынан шыққан ғұламалар турасында тілге тиек етіп: «Қазіргі уақытта елбасымыз асыл дінімізге ерекше көңіл бөлуде. Тәуелсіздік алғаннан кейін қазақ елінде қаншама мешіттер мен медреселер бой көтерді, сондықтан дәстүрлі дінімізді құрметтеп, рухани білім алуға, жастардың тәрбиесіне өз үлестерімізді қосып, келер ұрпаққа асыл мұратымызды жеткізейік,» – деп тілек білдірді өз сөзінде. 

            Әбілда МЕЙІРХАНОВ, әскери зейнеткер.