Үмметтің ұлы күні болған Құрбан айт кең байтақ елімізде жер-жерде аталып өтуде. Аудандық «Қордай» мешітінің ұжымы да осындай атаулы күні көптеген азаматтарға қуаныш сыйлауға барынша әрекет етті. Мешітімізде сойылған 9 бас бұқа және 70 бас қойдың еті асыраушысыз қалған отбасыларға, мүгедек және зағип жандарға, жалғыз басты қарияларға және әлеуметтік жағдайы төмен 275 отбасыға «Раббың үшін құрбан шал» қайырымдылық акциясы барысында таратылды.

Осыған қоса, әкенің мейірімінен айырылған, жетімдіктің дәмін сезген 20 балаға әр қайсысына 46 000 теңгеден, жалпы соммасы 920 000 теңгеге жәрдем ақы таратылды. Келген бүлдіршіндерге мерекелік көңіл күй сыйлау мақсатында тәттілер және мерекелік шарлар сыйланды.

Аудандық «Қордай» мешітінің баспасөз қызметі