ҚМДБ-ның жүктеген тапсырмасы негізінде «Мектепке жол» науқаны жүргізілуде. Аталмыш акцияның тағы бір аялдамасы Байзақ ауданында көрініс тапты. Биыл мектеп табалдырығын аттағалы отырған балдырғандар мен біліміне білім қосып, келесі сыныпқа көшкен оқушылар үшін мектепке керекті құрал-саймандар табысталды.

Аудандағы әлеуметтік жағдайы төмен, көпбалалы, жалғызбасты отбасыларға көмек көрсетілді. Балаларға құралға толы сөмкені осы ауданның имамы тарту етті.

Мектепке дайын отырған жеткіншектердің жүздері қуаныштан бал-бұл жанса, ата-аналар алғыстарын айтты. Сондай-ақ, осындай іс-шаралардың ғұмыры ұзақ болсын деп тілеулерін білдірді.

Ақерке БЕКҚҰЛОВА,

«Һибатулла Тарази» мешітінің баспасөз қызметі